Kryetari i Kuvendit, Ilir Meta ka ftuar sot pasdite partitë parlamentare në një përpjekje për zgjidhjen e krizës.
Burime nga Kuvendi, siç njofton Top-Channel, thanë se ftesa është e hapur që partia ta zgjedhë vetë nivelin e përfaqësimit, por në të tilla raste, preferohet pjesëmarrja në nivel kryetarësh.
Kryeparlamentari Meta e ndërmori këtë nismë pasi Presidenti i Republikës nuk ia doli të ulë së bashku në një tryezë Edi Ramën dhe Lulzim Bashën.
Lideri i Partisë Demokratike, Lulzim Basha thirri në selinë e partisë kryetarët e partive të opozitës, në një takim ku u diskutua nëse do të merrej pjesë apo jo në tryezën e thirrur nga Meta.
Disa minuta pas nisjes se takimit, është larguar nga selia blu kreu i PAA-së, Agron Duka. Siç njofton Top-channel, Partia demokratike ka refuzuar ftesën e Metës.