Ajde: Nuk jemi afër marrëveshjes rreth Konferencës së Gjenevës për Qipron

Nikozi, 26 maj 2017 (MIA) - I dërguari i posaçëm i Kombeve të Bashkuara për Qipron, Espen Bart Ajde pranoi se dy bashkësitë etnike në ishull akoma nuk janë afër marrëveshjes në lidhje me konvokimin e Konferencës së Gjenevës, sikur ajo në janar, njoftoi ANA-MPA.
"Dua të jem i sinqertë, konferenca për Qipron nuk është afër marrëveshjes", deklaroi Akde pas takimeve të djeshme të ndara me presidentin qipriot Nikos Anastasiadis dhe liderin e turqve qipriotë", Mustafa Akinxhi.
"Takimet e djeshme treguan se orvatjet për konvokim të Konferencës së re të Gjenevës vazhdojnë, por deri më tani nuk ka rezultat. Siç duket është shumë e vështirë, nuk ka rezultat, por dialogu për ishullin vazhdon", shtoi Ajde.
Ai e potencoi si element pozitiv faktin se që dy liderët qipriotë janë angazhuar se do të bëjnë gjithçka që është në fuqinë e tyre që ta zgjidhin problemin për ishullin dhe se ata dëshirojnë që kjo të ndodhë në Gjenevë, por theksoi se "ata janë akoma shumë larg në raport me metodologjinë e gjithë procesit"?
Bisedimet për bashkimin e Qipros janë në ngecje, duke pasur parasysh se të dy palët përpiqen të parashtrojnë kushte të veta për takim eventual të ri në Gjenevë.