Greqia e akuzoi Shqipërinë për irredentizëmAthinë, 27 qershor 2017 (MIA) - Ministria greke e Punëve të Jashtme mbrëmë e akuzoi Qeverinë shqiptare për "aksion i cili kultivon dhe fsheh irredentizëm", për shkak të renovimit të sheshi Skënderbeu në Tiranë. Sheshi, i cili u prezantua paraprakisht këtë muaj, është i shtruar me pllaka guri nga pjesë të ndryshme të Ballkanit që ta simbolizojë "unitetin kombëtar". "E dënojmë vendosjen e gurëve nga rajone të ndryshme të Ballkanit, duke përfshirë edhe nga rajoni Filiates, në sheshin e rinovuar qendror në Tiranë. Këta gurë, në të cilat janë të shkruara rajonet e tyre prej të cilave vijnë, paraqesin vepër e cila e simbolizon 'unitetin e territoreve shqiptare' dhe është i qartë aksioni i shtetit i cili kultivon dhe fsheh irredentizëm", thuhet në kumtesën e Ministrisë greke. Sipas Ministrisë, iniciativa është "edhe një provokim nga Qeveria shqiptare, e cila hapur i minon marrëdhëniet e mira fqinjësore". Ministria informon se i ka njoftuar të gjithë miqtë, partnerët dhe organizatat ndërkombëtare lidhur me këtë çështje" dhe thekson se Greqia e respekton procesin zgjedhor në vendi fqinj dhe nuk ka dhënë asnjë deklaratë publike e cila mund që gabimisht të interpretohet si përzierje në procesin parazgjedhor.
|