Berlin, 16 gusht 2017 (MIA) - Kancelarja gjermane Angela Merkel vlerëson se nuk është e mundur vazhdimi i negociatave mes Bashkimit Evropian dhe Turqisë për zgjerimin e unionit doganor, njoftoi TASS.
"Në çdo rast në këtë moment nuk do ta zgjerojmë unionin doganor me Turqinë. Për këtë temë as që mund të bisedohet", deklaroi sot Merkel.
Ministri gjerman i Punëve të Jashtme Zigmar Gabriel muajin e kaluar deklaroi se vlerëson se është e pamundur vazhdimi i negociatave për zgjerimin e unionit doganor mes BE-së dhe Turqisë.