Erdogan: Turqia planifikon të vendosë sanksione kundër Kurdistanit irakianAnkara, 20 shtator 2017 (MIA) - Presidenti turk, Rexhep Taip Erdogan deklaroi se Turqia do ta shqyrtojë çështjen për vendosje të sanksioneve kundër Kurdistanit Irakian për shkak të referendumit të planifikuar për pavarësi. Ankaraja e kundërshton fuqishëm mbajtjen e referendumit për pavarësi në Kurdistanin Irakian. Ushtria turke sistemoi teknikë shtesë ushtarake dhe ushtarë përgjatë kufirit me Irakun për shkak të kërcënimit të sigurisë. Erdogani, i cili po qëndron në Nju-Jork për shkak të pjesëmarrjes në Asamblenë e përgjithshme të KB-së, mbrëmë deklaroi se referendumi për pavarësi të kurdëve në Irakun Verior, që është planifikuar për më 25 shtator, mund të çojë drejt konflikteve të reja në Lindjen e Afërt. Ai theksoi se Këshilli për siguri nacionale i Turqisë dhe kabineti i tij të premten do ta shqyrtojnë vendosjen e mundshme të sanksioneve kundër Irakut Verior.
|