Disa anarkistë sulmojnë Ambasadën e Spanjës në AthinëAthinë, 11 tetor 2017 (MIA) - Anarkistët e vetëshpallur në Greqi sot sulmuan Ambasadën e Spanjës në Athinë dhe hodhën fletushka në dobi të Katalonjës. "Rreth 15 deri më 20 persona hynë në Ambasadë dhe gjuanin fletushka. Nuk shkatërruan asgjë", deklaroi një përfaqësues i diplomacisë spanjolle, duke shtuar se në fletushkat ka shkruar "solidariteti është armë e njeriut". Policia greke kumtoi se i ka arrestuar 19 persona për shkak të incidentit. Grupi njihet si Ruvikonas, i cili angazhohet për pavarësinë e Katalonjës. Kryeministri spanjoll, Mariano Rahoj sot duhet të mbajë fjalim para Parlamentit dhe do ta kumtojë vendimin përfundimtar të Qeverisë me rastin e fjalimit të mbrëmshëm të liderit katalonas, Karles Puxhdemon para Parlamentit katalonas. Puxhdemon mbrëmë kërkoi prolongimin e shpalljes së pavarësisë dhe kërkoi dialog me Qeverinë spanjolle.
|