Në Turqi vetëm klerikët sunit të njohur nga shteti do të mund të lidhin martesaAnkara, 19 tetor 2017 (MIA) - Parlamenti në Turqi miratoi ligj të ri sipas të cilit vetëm klerikët sunit, të cilët njihen nga shteti, fitojnë të drejtën të regjistrojnë martesa, njoftoi Si-En-En Turk. Propozuesit nga Partia e Drejtësisë dhe Zhvillimit e presidentit Rexhep Taip Erdogan dhe mbështetësit e ligjit vlerësojnë se dispozita e tillë u përshtatet nevojave kulturore të turqve dhe do ta parandalojë jetesën e përbashkët pa martesë. Partia Popullore Republikane opozitare shprehi shqetësim të madh nga ndarja mes fesë dhe shtetit. Partia Demokratike Prokurde e Popujve gjithashtu e kundërshtoi ligjin. Një deputet i saj deklaroi se me këtë ligj shkelen të drejtat e grave për shkurorëzim. Sipas disa analistëve, masa e re nuk u lejon mundësi të barabarta atyre të cilët nuk e njohin variantin sunit të islamit. Sipas Kushtetutës, Turqia është shtet sekular por në vitet e fundit po intensifikohen tendencat islamiko-konservative.
|