Erdogan u bëri thirrje vendeve që ta njohin Jerusalemin për kryeqytet të PalestinësStamboll, 13 dhjetor 2017 (MIA) - Presidenti turk, Rexhep Taip Erdogan u bëri thirrje të gjitha vendeve që ta njohin Jerusalemin për kryeqytet të Palestinës, njofton televizioni turk NTV. "Jerusalemi është linjë e kuqe e jona. Izraeli është shtet okupator dhe terrorist", deklaroi Erdogan para pjesëmarrësve në takimin e jashtëzakonshëm të Organizatës për Bashkëpunim Islamik (OBI) në Stamboll, kushtuar çështjes për Jerusalemin. Ai shtoi se Qeveria izraelite i ka torturuar njerëzit e pandihmë, madje duke treguar fotografi në të cilën shihet një djalosh palestinez me sy të mbyllur, i rrethuar me ushtarë izraelitë. Presidenti turk i bëri thirrje SHBA-së që të heqë dorë nga "zgjidhja e paligjshme dhe provokuese" për Jerusalemin dhe tha se zgjidhja e SHBA-së i shpërblen "aktivitetet terroriste" të Izraelit.
|