Tahiri paraqitet në Gjykatën e Krimeve të Rënda në TiranëTiranë, 15 dhjetor 2017 (MIA) - Ish-ministri i Punëve të Brendshme i Shqipërisë, Saimir Tahiri sot është paraqitur në Gjykatën e Krimeve të Rënda i shoqëruar nga avokati i tij. Tahiri, siç informojnë mediat vendore, është thirrur për t'u marrë në pyetje pasi që ligji parashikon që brenda 5-ditëve nga zbardhja e vendimit ku atij i ndaloi daljen jashtë shtetit dhe bllokimin e pasaportës të merret në pyetje. Burime nga Krimet e Rënda konfirmojnë se ish-ministri Tahiri në këtë seancë do të duhet të përgjigjet për të gjitha çështjet që kanë dalë nga përgjimet e Habiljave dhe të dhënat e tjera të siguruara nga Prokuroria e krimeve të rënda. Vendimi i gjykatës që i ndaloi Tahirit daljen jashtë shtetit, jep në mënyrë kronologjike rrjedhën e hetimit të kësaj çështje, që nisi në Shqipëri ndaj Habilajve, me veçimin e dosjes për Treblovën. Në dosjen e Treblovës përmenden për herë të parë lidhjet e policisë me narkotrafikun.
|