Jotinger: Greqia nuk do të ketë nevojë për programin e katërt të ndihmës financiare

Athinë, 15 dhjetor 2017 (MIA) - Komisioni Evropian vlerëson se Greqia nuk ka nevojë për program të katërt për ndihmë financiare, deklaroi eurokomisari për çështje të Buxhetit dhe Resurse Njerëzore Ginter Jotinger, publikoi Gazeta "Ta nea".
"Besojmë se grekët do të kthehen në tregje në të ardhmen e afërt", deklaroi Jotinger para takimit të liderëve të BE-së në Bruksel.
Në rast se Greqia ka nevojë për financim, vendi duhet të sigurojë kapital të freskët në tregje. Programi i tretë aktual për shpëtim për Greqinë është në vlerë prej 86 miliardë eurosh dhe përfundon verën e ardhshme.
Kundrejt rritjes të vogël të regjistruar ekonomike, ekspertët vlerësojnë se Greqia nuk do të ketë nevojë nga tërë vlera e programit të tretë, theksoi eurokomisari Jotinger.