Matis: SHBA-ja dhe Turqia kanë dialog të hapur për dallimet në lidhje me Sirinë

Bruksel, 15 shkurt 2018 (MIA) - Sekretari amerikan i Mbrojtjes, Xhejms Matis sot deklaroi se SHBA-ja dhe Turqia kanë dialog të hapur për dallimet në lidhje me Sirinë.
Ai shtoi se të dyja palët kanë edhe qëndrime të ndryshme, por "ndonjëherë lufta thjeshtë të jep variante të ndryshme, nga të cilat duhet të zgjedhësh".
"NATO-ja dhe SHBA-ja e mbështesin Turqinë në lidhje me sigurinë e kufijve në Siri dhe luftën kundër separatistëve kurdë në shtet. Ne plotësisht e kuptojmë se një vend anëtar i NATO-s ka lëvizje kryengritëse, e cila vepron në territor të saj", theksoi Matis pas seancës së ministrave të Mbrojtjes në Aleancë.
Ai potencon se SHBA-ja dhe Turqia do të vazhdojnë me bashkëpunimin për Sirinë edhe përskaj qëndrimeve të ndryshme.