MPJ turke: Turqia negocion me SHBA-në për sisteme raketore PatriotAnkara, 23 mars 2018 (MIA) - Turqia po negocion me SHBA-në për sisteme raketore Patriot, ndërsa javën e ardhshme një përfaqësues i Ministrisë turke të Punëve të Jashtme është e mundur që të udhëtojë në Uashington në bisedime me palën amerikane për Menbuxh, Siri. Këtë sot e deklaroi zëdhënësi i MPJ-së turke Hami Aksoj. Sipas tij, Turqia vazhdon të zhvillojë negociata edhe me konsorciumin francezo-italian Eurosam për blerje të sistemeve mbrojtëse raketore. Në janar Turqia ia prezantoi Eurosamit marrëveshjen 18-mujore për zhvillim dhe prodhim të MKA dhe MKR sisteme me spektër të gjerë të veprimit - hap përpara drejt bashkëpunimit në sferën e mbrojtjes me Francën dhe Italinë. Në dhjetor të vitit të kaluar Turqia dhe Rusia nënshkruan marrëveshje, me të cilën Moska u zotua se do ta furnizojë Ankaranë me sisteme raketore tokë-ajër S-400, duke finalizuar biznes për thellim të lidhjeve ushtarake midis një anëtareve të NATO-s, Turqisë dhe Kremlinit.
|