Deri në orën 13 në zgjedhjet në Mal të Zi kanë dalë 32,8 për qind e votuesvePodgoricë, 15 prill 2018 (MIA) - Deri në orën 13 në zgjedhjet presidenciale në Mal të Zi kanë votuar 32,8 për qind nga numri i përgjithshëm i votuesve, bënë të ditur vëzhguesit e zgjedhjeve. Dalja është afërsisht në nivel të zgjedhjeve parlamentare të vitit 2016, ndërsa më i lartë nga zgjedhjet presidenciale në vitin 2013. Votoi edhe ish-presidenti dhe kryeministër Millo Gjukanoviq, i cili është kandidati më serioz i zgjedhjeve, me përkrahje të mbi 50 për qind sipas anketave. Mlladen Bojaniq është kandidati më serioz opozitar, i mbështetur nga blloku më i madh opozitar. Gjithsej shtatë kandidatë marrin pjesë në zgjedhje, ndërsa të drejtë vote kanë 532.599 qytetar.
|