Belgjika u bëri thirrje shqiptarëve të mos kërkojnë azil në atë vendBruksel, 20 prill 2018 (MIA) - Sekretari shtetëror belg për Azil dhe Migrim Teo Franken u bëri thirrje shqiptarëve të cilët udhëtojnë për në vendin e tij të ndalojnë me parashtrimin e kërkesave për azil, sepse ato do të hidhen poshtë. Thirrjen e dërgoi gjatë vizitës së djeshme në Tiranë, njoftuan sot mediat lokale. "Jeni të mirëseardhur për të studiuar, për të punuar, t'i vizitoni familjet e juaja, Brukselin dhe Brizhin, por mos kërkoni azil. Belgjika nuk është minierë e arit, nga çezmat nuk rrjedh mjaltë e qumësht,", ka potencuar Franken. Ai paralajmëroi se të gjithë të cilët në mënyrë joligjore do të hynë në Belgjikë menjëherë do të dëbohen. Sekretari shtetëror përkujtoi se Shqipëria është "vend i sigurt" qytetarët e të cilit nuk përgjigjen në kriteret për marrjen e mbrojtjes ndërkombëtare. Sipas të dhënave të fundit të Eurostat, vetëm pesë për qind e aplikimeve të shqiptarëve për azil në BE janë miratuar vitin e kaluar.
|