Diaspora kosovare në vitin 2017 u ka dërguar familjeve 760 milionë euro

Prishtinë, 15 maj 2018 (MIA) - Mjetet të cilat në Kosovë i dërgon diaspora edhe më tutje paraqesin një nga burimet kryesore për financimin e familjeve kosovare, të cilave u sigurojnë pozitë stabile sociale.
Sipas Bankës Qendrore të Kosovës (BQK), siç lajmëroi korrespodenti i MIA-s nga Prishtina, këto mjete kryesisht shkojnë për financim të konsumit të familjeve, ndërsa shumë pak investohen në biznes.
"Dërgesat e pranuara në Kosovë gjatë vitit 2017 shënuan vlerën prej 759,3 milionë euro, kurse në vitin 2016 u dërguan 691 milionë euro. Në tre muajt e parë të vitit 2018 janë dërguar 108,3 milionë euro", thuhet në buletinin mujor statistikor të bankës.
Sipas kanaleve të dërgimit, pjesa më e madhe e mjeteve vijnë përmes agjencive për transferim të parave, ndërsa pastaj vijojnë bankat.