Rama nuk e shikon si fajtor ministrin XhafajTiranë, 16 maj 2018 (MIA) - Ministri i Brendshëm nuk duhet të përgjigjet, ligjërisht jo e jo, por as moralisht, deklaroi sot kryeministri i Shqipërisë Edi Rama, në mbledhjen e grupit parlamentar të Partisë Socialiste, duke reaguar ndaj audio-përgjimit të publikuar nga opozita për lidhjet me krimin të Agron Xhafaj, vëllait të ministrit të Brendshëm, Fatmir Xhafaj. Po ashtu, njofton ATSH, kryeministri Rama shpjegoi qëndrimin e shumicës lidhur me këtë çështje, ku sipas tij, maskarada e krijuar nga opozita meriton një përgjigje të qartë në rrafshin politik, por edhe të hetimit dhe të ndëshkimit". "Ne nuk kemi njerëz për të lëshuar në dhëmbët e ujqërve dhe nuk jemi njerëz që i kërcasim dhëmbët organeve të drejtësisë kur cilido prej nesh vihet nën akuzë", tha Rama. Por sipas tij, akuzat sot nuk vijnë nga organet e drejtësisë. "Por ato as mund të neglizhohen dhe as mund të lihen vetëm me sqarimet e radhës, sepse tanimë në majën e thikës së tyre qëndron një material konkret, për të cilin dikush duhet të përgjigjet, jo me fjalë, por me burg", tha Rama.
|