Opozita shqiptare proteston para Ministrisë së Brendshme në TiranëTiranë, 16 maj 2018 (MIA) - Opozita shqiptare ka zhvilluar sot protestë përpara ndërtesës së Ministrisë së Punëve të Brendshme, duke kërkuar largimin e ministrit Fatmir Xhafaj. Shkaku i protestës siç njofton ATSH është "Audio-përgjimi", që Partia Demokratike ka publikuar dje, ku sipas PD, vëllai i ministrit të Punëve të Brendshme, Fatmir Xhafaj, Agron Xhafaj është regjistruar duke bashkëbiseduar me një trafikant droge. Nënkryetari i Partisë Demokratike, Edi Paloka, në fjalën e tij, para mbylljes së protestës, që zgjati afro dy orë, u shpreh se Rama mori në mbrojtje një ministër që duhet të ishte para ligjit. "Agron Xhafaj duhet të ishte arrestuar. Rama me argumente nga më absurdet mori në mbrojtje ministrin e tij pasi mbron veten. Këtu po kërcënohet opozita", tha ai.
|