Prishtina nuk arriti të përpunojë platformë për dialogun me Beogradin Prishtinë, 21 maj 2018 (MIA) - Qeveria e Kosovës është në pritje të platformës për dialog me Serbinë, e cila duhet të miratohet nga ana e Kuvendit, lajmëroi korrespondenti i MIA-s nga Prishtina. Burime nga kabineti i kryeministrit Ramush Haradinaj për gazetën "Zëri" thonë se nëse Kuvendi e hedh poshtë platformën, atëherë partitë dhe Qeveria do të duhet të gjejnë zgjidhje të përbashkët. Shanset, megjithatë, që ajo platformë të kalojë në Kuvend, janë shumë të mëdha, duke e pasur parasysh se javën e kaluar dokumenti është shqyrtuar dhe hedhur poshtë, me tre vota "pro" dhe gjashtë "kundër", nga ana e Komisionit kuvendor për politikë të jashtme. Kështu, në seancën plenare propozimi do të jepet me rekomandim që të mos miratohet. Të gjitha partitë opozitare janë kundër platformës, duke vërejtur për shumë mungesa dhe tejkalime të kompetencave kushtetuese.
|