Lëkundje të reja tërmeti në jug të ShqipërisëTiranë, 21 maj 2018 (MIA) - Pas 14 tërmeteve që goditën jugun e Shqipërisë në fundjavë, lëkundje të reja janë regjistruar mëngjesin e sotëm në zonën e Vlorës.
Në orën 2:34 të mëngjesit, sipas IGJEUM është regjistruar tërmet me magnitudë 3 ballë në zonën e Vernikut në Vlorë.
Seria e tërmeteve në jug të vendit nisi që prej të premtes ku në disa fshatra të Vlorës rreth 20 shtëpi janë dëmtuar, ndërsa 5 prej tyre janë bërë të pabanuara.
Banorët të frikësuar janë detyruar që të kalojnë natën jashtë banesave.
|