Haradinaj: Vizat do të hiqen deri nga fundi i vititPrioshtinë, 21 maj 2018 (MIA) - Kryeministri i Republikës së Kosovës, Ramush Haradinaj sot pas mbledhjes së Qeverisë së Kosovës tha se në qershor do ta kenë vlerësimin e institucioneve të Bashkimit Evropian për vizat, ndërsa shprehu besimin se vlerësimi do të jetë pozitiv. Haradinaj deklaroi se ky vlerësim do të kalojë në institucionet e BE-së dhe po ashtu nevojitet aprovimi i secilit shtet. "Si dinamikë kohore është mundësia që në fund të vitit qytetarët e Kosovës të mund të lëvizin lirshëm", tha Haradinaj. Ai shtoi se qytetarët e meritojnë lëvizjen e lirë, ndërkaq theksoi se në të gjitha takimet me përfaqësuesit e vendeve të BE-së thekson se prej Kosovës nuk do t’iu shkojnë krimi e emigrantët.
|