U rrëzua një helikopter ushtarak bullgar, jetën e humbën dy pilotëSofje, 12 qershor 2018 (MIA) - Një helikopter ushtarak bullgar u rrëzua mbrëmë në bazën ajrore në afërsi të qytetit jugor Pllovdiv gjatë stërvitjes rutinore. Në fatkeqësi jetën e humbën dy pilotë, përderisa një anëtar i ekuipazhit është lënduar, kumtoi Ministria bullgare e Mbrojtjes. Helikopteri Mi-17 i prodhimit rus ka fluturuar rreth 50 minuta pas çka është rrëzuar rreth orës 20:30 sipas kohës lokale. Hetimi është në rrjedhë. Në qershor të vitit të kaluar, një helikopter ushtarak u rrëzua në Detin e Zi në afërsi të brigjeve bullgare fjatë stërvitjeve taktike dhe më pas jetën e humbi një oficer përderisa të të tjerë u lënduan.
|