Kosovs e përshëndet marrëveshjen për emrin midis Maqedonisë dhe Greqisë Prishtinë, 12 qershor 2018 (MIA) - Presidenti i Kosovës Hashim Thaçi e ka përshëndetur arritjen e marrëveshjes së sotme mes Maqedonisë dhe Greqisë, për emrin e Republikës së Maqedonisë.
Thaçi, përmes një postimi në Facebook, ka thënë se, ky është një lajm i mirë për të dy vendet dhe për rrugën e Maqedonisë drejt NATO-s dhe BE-së.
"Në emër të institucioneve dhe popullit të Kosovës, e mirëpres marrëveshjen për çështjen e emrit në mes të Maqedonisë dhe Greqisë. Ky është një lajm i mirë për të dy vendet dhe për rrugën e Maqedonisë drejt NATO-s dhe BE-së. Është një mundësi e re për të forcuar edhe më shumë paqen dhe stabilitetin në tërë rajonin tonë", ka shkruar Thaçi në Facebook.
|