Pesë persona kanë humbur jetën në një fatkeqësi komunikacioni në KosovëPrishtinë, 8 korrik 2018 (MIA) - Një aksident i rëndë komunikacioni ka ndodhur sot rreth orës 13 në rrugën Suharekë-Duhle, në vendin Biraqë, në afërsi të Suharekës, kur një veturë është përplasur me një autobus, me ç’rast pesë persona kanë humbur jetën, njofton korrespodenti i MIA-s nga Prishtina. Burime të policisë së Kosovës jozyrtarisht për "Gazeta Ekspres" deklaruan se të gjithë pesë viktimat janë anëtarë të një familje - dy prindërit dhe tre fëmijët e tyre. “Rreth orës 13:20 minuta në magjistralen Suhareke – Duhël ka ndodhur një aksident i tmerrshëm komunikacioni, me ç’rast kane humbur jetën pesë persona, dy të rritur dhe tre fëmijë”, tha zëdhënësi i policisë për rajonin e Prizrenit, Hazir Berisha. Sipas mediave të Kosovës, vendi ku ka ndodhur tragjedia, në vendin Biraqë, është i njohur si "pikë e zezë" pasi në të kaluarën në këtë vend kanë ndodhur shumë fatkeqësi, prej të cilave disa me pasoja tragjike.
|