NATO: Serbia duhet të vendosë për hyrje eventuale në AleancëBruksel, 10 korrik 2018 (MIA) - NATO-ja i respekton qëndrimet e secilit vend me të cilin bashkëpunon, ndërsa Serbia është partner i mirë i NATO-s dhe ajo duhet të vendosë nëse dëshiron të bëhet anëtare, deklaroi sot në Bruksel zëvendësja e sekretarit të përgjithshëm të Aleancës, Roz Gotemoler, raportoi korrespondentja e MIA-s nga Brukseli. Ajo mendon se partneriteti serb me NATO-n kontribuon për siguri më të madhe të qytetarëve dhe NATO-ja ndihmon për stabilitetin e tërë rajonit. "NATO-ja i respekton pozitat e të gjitha vendeve me të cilat bashkëpunon si dhe pozitat e vendeve anëtare. Ata vetë bëjnë përzgjedhje për vete sipas çështjes së sigurisë. Serbia duhet të vendosë për hyrje eventuale në NATO, por e di se ekziston interes për anëtarësim në BE dhe kjo është mirë", deklaroi ajo para samitit të NATO-s. Ajo shtoi se NATO-ja do të vazhdojë me bashkëpunimin me Serbinë e cila merr pjesë në stërvitjet e Aleancës. "Në fillim të vjeshtës, Serbia do të jetë organizatore e stërvitjes vjetore për menaxhim me pasojat nga katastrofat natyrore", tha Gotemoler. Këto stërvitje duhet të mbahen në Mladenovac dhe Arangjelovac.
|