Haradinaj: Korrigjimi i kufijve është eksperiment i rrezikshëm Prishtinë, 11 shtator 2018 (MIA) - Kryeministri i Kosovës, Ramush Haradinaj sot deklaroi se korrigjimi i kufijve është eksperiment i rrezikshëm dhe me këto nisma duhet të jemi shumë të kujdesshëm. "Loja me kufijtë dhe territoret është eksperiment i rrezikshëm dhe u bëj thirrje të gjithë të jenë të kujdesshëm. Gjithmonë kur fillon tema me kufirin, nuk ka garanci si përfundon ajo edhe pas të gjitha tragjedive, Kosova nuk mund ta lejojë këtë luks", tha Haradinaj. Duke komentuar rreth propozimit të liderëve të Luginës së Preshevës rreth miratimit të një Rezolute në Kuvend të Kosovës, Haradinaj tha se do ta mbajnë interesimin për shqiptarët në Luginë të Preshevës, duke kujtuar ndarjen e një fondi për Parkun e Paqes në Luginë.
|