Arrestohet një i dyshuar i ri për vrasjen e gazetares MarinovaSofje, 10 tetor 2018 (MIA) - Në Gjermani është arrestuar një person i dyshuar për përdhunim dhe vrasje të gazetares Viktoria Marinova (30) kumtuan sot autoritetet bullgare. Prokurori shtetëror bullgar Sotir Cacarov e konfirmoi arrestimin e Severin Krasimirov, shtetas bullgar, por nuk deshi të prononcojë hollësi. Ministri i Punëve të Brendshme, Mlladen Marinov kumtoi se hetuesit kanë gjetur dëshmi ADN në rrobat dhe në trupin e gazetares, e cila u vra të shtunën në qytetin verior bullgar Ruse. "Ekzistojnë dëshmi fizike për ndërlidhje me vrasjen", tha Marinov. Krasimirov, i cili është banor i qytetit Ruse, ka dosje kriminele për shkak të vjedhjes së mbeturinave prej metali. Marinov shtoi se hetuesit manë biseduar me familjen dhe miqtë e gazetares dhe se "nuk ka ndërlidhje të dukshme me punën e saj". Marinova ishte gazetare dhe redaktore në televizionin bullgar TVN dhe raportonte për hetim për gjoja korrupsion të ndërlidhur me fondet e Bashkimit Evropian. Prokuroria bullgare kumtoi se ka ngritur hetim në bazë të dyshimeve për keqpërdorim të fondeve të BE-së, ndërsa policia e heton vrasjen e Marinovës. Marinova muajin e kaluar zhvilloi një emision për dy gazetarë investigativ, të cilët janë arrestuar për shkak të punës së tyre për akuza për mashtrim të fondeve të BE-së. Policia bullgare dje arrestoi një rumun lidhur me vrasjen e Marinovës, por pastaj kumtoi se ai do të lirohet edhe kundër tij nuk do të ngrihet aktpadi.
|