Policia turke i kërkon mbetjet e gazetarit Kashogi në pyll dhe rrethinën e Stambollit

Stamboll, 19 tetor 2018 (MIA) - Policia turke po zhvillon kërkimet në pyllin afër Stambollit dhe rrethinën e qytetit të bregut të Detit Marmara që t'i zbulojë mbetjet e gazetarit saudit, i cili u zhduk para dy javëve pasi ka hyrë në Konsullatën e Arabisë Saudite në Stamboll. Këtë mbrëmë e kumtuan dy persona zyrtarë turk, të cilët kërkuan nga mediat të jenë anonim.
Para bastisjes së konsullatës saudite dhe rezidencës së konsullatës në Stamboll, hetuesit zbuluan "shumë ekzemplarë" dhe po mundohen të gjejnë gjurmë nga ADN-ja e gazetarit Xhamal Kashogi, thotë një burim i lartë pozicionuar.
Sipas tij, përmasa e kërkimit është zgjeruar pasi janë konfirmuar rrugët dhe automjetet të cilat kanë qenë më 2 tetor para konsullatës, në të cilin Kashogi është parë herën e fundit.
Është e mundur vrasësit ta kenë hedhur trupin në pyllin afër Stambollit apo në rajonin e braktisur afër qytetit Jalova, 90 kilometra në jug nga Stambolli, thonë burime anonime.