Prishtinë, 8 gusht 2019 (MIA) – Kryetari i Kuvendit të Kosovës, Kadri Veseli deklaroi se e ka refuzuar ofertën, si përfaqësues i koalicionit në pushtet, të jetë kryeministër i ri i Kosovës.
“Është e vërtetë, pati oferta të vazhdohet ky mandat deri në vitin 2021, me mandatar për kryeministër nga PDK-ja, përkatësisht me mua. Pati oferta edhe nga parti të cilat në opinion flasin për zgjedhje shumë të shpejta të parakohshme”, theksoi Veseli.
Ai theksoi se kjo nuk do të ndodhë për shkak të rrethanave në të cilat ndodhet Kosova për momentin dhe se qytetarët meritojnë qeveri e cila do t’i udhëheqë në rrugën për perspektivë më të mirë dhe luftë kundër korrupsionit. ab/