Athinë, 20 janar 2021 (MIA) – Dy raste të reja të llojit të ri të Kovid-19 janë zbuluar në Greqi, sipas mediave greke, kurse janë konfirmuar gjithsej 26 raste të llojit të mutacionit të koronavirusit të zbuluar në Britaninë e Madhe, raporton korrespondentja e MIA-s nga Athina.
Sipas informacionit të televizionit “Open”, nga 26 raste, 24 janë “të importuara”, pra të konfirmuara nga udhëtarë që mbërritën prej vendeve të huaja, ndërsa dy të rinjtë janë në Athinë dhe në ishullin e Kretës, kurse të infektuarit janë në karantinë.
Gazeta “Ta Nea” komenton se ajo që shkakton shqetësim tek epidemiologët është fakti që dy rastet e reja u zbuluan në mesin e qytetarëve, dhe jo në aeroporte, siç ishte rasti me 24-të rastet e mëparshme. sr/sn/