Serbët në veri të Kosovës vendosin barrikada në Kroin e VitakutPrishtinë, 7 tetor 2011 (MIA) - Gjendja në veri të Kosovës vazhdon të mbetet e brishtë. Pakica serbe ka vendosur beton dhe një kontejner të mbeturainave mbi Kroin e Vitakut, zonë e përgjegjësisë së veçantë, njoftojnë mediat kosovare.
Ylber Hysa, kordinator i strategjisë për veriun e Kosovës, pasi vizitoi barrikadën, tha se ky është bllokim i drejtëpërdrejtë për lëvizjen e qytetarëve, prandaj është i patolerueshëm. Ky bllokim është bërë pas vendimit të djeshëm të qeverisë së Kosovës për ndarjen e 900 mijë eurove për ndërtimin e shtëpive të shqipëtarëve në Kroin e Vitakut.
Ndërkohë, rreth orës dy të mëngjesit të sotëm, një veturë është djegur në afërsi të tre rrokaqiejve në Mitrovicë. Sipas policisë, persona ende të paidentifikuar i kanë vënë zjarrin automjetit me substancë ndezëse, që besohet të jetë një përzierje molotovi, me benzinë. Vetura është shkatërruar tërësisht, të lënduar nuk ka.
|