Presidneti i Shqipërisë Topi për vizitë në Turqi

Tiranë, 10 tetor 2011 (MIA) - Presidenti i Shqipërisë Bamir Topi, ndodhet në Republikën e Turqisë, ku do të zhvillojë një vizitë zyrtare treditore me ftesë të presidentit turk, Abullah Gyl.

Gjatë kësaj vizite zyrtare, kreu i shteti shqiptar do të zhvillojë bisedime me drejtuesit më të lartë të shtetit turk, me homologun e tij turk, bashkë me të cilin do të mbajë dhe një konferencë të përbashkët për shtyp, kryeministrin Rexhep Taip Erdoan, kryetarin e Asamblesë së Madhe Kombëtare të Turqisë, Xhemil Çiçek.

Axhenda e presidentit Topi parashikon pjesëmarrjen e tij në Mbledhjen e Këshillit të Biznesit turko-shqiptar, ku Kryetari i Shtetit Shqiptar pritet të mbajë fjalën përshëndetëse.

Në përmbyllje të vizitës, presidenti Topi do të zhvillojë një takim dhe me përfaqësues të bashkësisë shqiptare në Turqi.