OSBE i dënon incidentet në veri të KosovësPrishtinë, prill 2012 (MIA) - Ushtruesi i detyrës së shefit të Misionit të OSBE-së në Kosovë, Eduard Xhozef dënoi sulmin e sotëm në një pikë kontrolli të policisë dhe incidentet e dhunshme të djeshme në Mitrovicë nga të cilat një person mbeti i vdekur dhe një tjetër u lëndua, thuhet në një njoftim të OSBE-së.
"Kolegët e mi në OSBE dhe unë jemi të shokuar nga sulmi i neveritshëm nga i cili u vra Selver Hajredinaj dje në Mitrovicë. Në emër të Misionit të OSBE-së, i shpreh ngushëllime familjes së tij dhe u dëshiron shërim të shpejtë të plagosurve nga bomba vdekjeprurëse", tha Xhozef.
"Çdo incident që prek komunitetet është çështje për t’u brengosur. Unë i dëshiroj Vladimir Denoviq shërim të shpejtë nga lëndimet e marra në një incident të ndarë dje në Mitrovicë", citohet të ketë thënë Xhozef.
"Unë e mbështes dhe ripohoj apelin e Përfaqësuesit special të Bashkimit Evropian, Samuel Zbogar që të gjitha komunitetet që të mbesin të qetë dhe ta lënë çështjen në duar të policisë", theksoi Xhozef.
|