Përfaqësuesit e treshes nga fundi i muajit shkurt sërish në Athinë

Athinë, 1 shkurt 2013 (MIA) - Drejtori i Punëve të Jashtme të Fondit Monetar Ndërkombëtarë (FMN) Xheri Rajs kumtoi se delegacioni i "treshes" së kreditorëve ndërkombëtarë nga fundi i muajit shkurt do ta vizitojë Greqinë.

Siç lajmëroi korrespondenti i MIA-s nga Athina, vizitën do ta realizojë me qëllim që të konfirmohet dinamika me të cilën zbatohet programi për vendin që të marrë ndihmë të nevojshme financiare.

Përfaqësuesit e FMN-së, BE-së dhe të BQE-së do të mbeten në Athinë deri në mes të muajit mars për ta analizuar përparimin në lidhje me zbatimin  e masave dhe ndryshimeve strukturore, informon Rajs në konferencë për shtyp në selinë e Fondit në Uashington, duke theksuar se autoritetet greke janë të përkushtuar në zbatimin e tyre.