Çeku insiston në zgjidhje paqësore për veriunPrishtinë, 15 prill 2013 (MIA) - Ministri i Forcës së Sigurisë së Kosovës, Agim Çeku, sot theksoi se forcat që komandon ai, nuk do të bëjnë përpjekje të dhunshme për të marrë kontrollin e katër komunave me shumicë serbe në veri.
"FSK-ja u shërben të gjithë qytetarëve, pavarësisht përbërjes etnike. Jemi shumë të përkushtuar për rritjen e numrit të serbëve brenda FSK-së. Jam i sigurt se komuniteti serb gradualisht do të ndryshojë qasjen", tha Çeku për "Nase novine".
I pyetur nëse në veri të Kosovës mund të ndodhë ndërhyrje ushtarake, Çeku potencoi se Kosova është e përcaktuar për zgjidhje paqësore të problemit të veriut dhe se mbetet e angazhuar për zgjidhje të tillë.
Serbët e veriut, që nga paslufta, kundërshtojnë autoritetin e Prishtinës zyrtare.
Çeku pret që dialogu midis Prishtinës e Beogradit të vazhdojë.
|