Partia turke në pushtet përgatit tubime alternative kundër protestave për parkun GeziStamboll, 9 qershor 2013 (MIA) - Partia turke në pushtet e Drejtësisë dhe Zhvillimit do të organizojë tubime të simpatizantëve të saj kundër protestave për parkun Gezi, njoftoi BTA.
Kjo është vendosur në seancën e Komitetit ekzekutiv të partisë nën udhëheqjen e kryeministrit turk, ku marrin pjesë liderë dhe ministra të partisë.
Në seancë është shqyrtuar situata lidhur me protestat dhe u konstatua se pas organizimit të protestave qëndrojnë forca të jashtme, qëllimi i të cilave është dobësimi i Turqisë.
"Tani për tani ende është herët të flitet për zgjedhje të parakohshme, situata nuk e imponon këtë", deklaroi zëvendës kryeministri Bekir Bozdag.
Është vendosur se nuk ka nevojë të bëhet referendum për projektin për parkun Gezi, e po ashtu se aty nuk do të ndërtohet qendër tregtare, por do të restaurohet kazerma osmane e quajtur Topçu kashlasi, kundër të së cilës protestojnë njerëzit në parkun Gezi.
|