Nishani vendos për ligjin për ndarje territorialeTiranë, 20 gusht 2014 (MIA) - Presidenti i Republikës së Shqipërisë, Bujar Nishani gjatë ditës së sotme pritet të marrë vendim nëse do ta nënshkruajë dekretin ose ligjin për ndarjen e re administrative territoriale do ta kthejë në shqyrtim të sërishëm në Kuvend.
Në funksion që të marrë vendim ai do të zhvillojë një takim me përfaqësues të pushtetit vendor.
Mësohet se në qendër të takimit do të jetë ligji për reformën administrativo-territoriale. Reforma territoriale u miratua me 88 vota pro në seancën e fundit plenare për këtë sesion, më datën 31 korrik.
Miratimi i këtij projektligji hasi debate të mëdha mes palëve politike dhe u votua pa praninë e opozitës në Kuvend.
|