Në Turqi është shpallur urdhërarrest për të paktën 34 policëAnkara, 1 shtator 2014 (MIA) - Në 16 qytete mbarë Turqinë sot është zbatuar bastisje dhe janë arrestuar të paktën 20 policë, ndërsa është shpallur edhe urdhërarrest për 34 policë, të akuzuar për komplot kundër Qeverisë.
Kjo është bastisja e katërt nga korriku i këtij viti lidhur me akuzat e presidentit turk Rexhep Taip Erdogan se policia turke bën komplot kundër tij. Ai policinë turke e përshkruajti si "shtet paralel në forcat e sigurimit".
Urdhërarrest është dhënë për të paktën 34 policë, të akuzuar për disa vepra penale, duke përfshirë edhe përgjim të përfaqësuesve më të lartë qeveritarë dhe tentim për rrëzim të Qeverisë.
Arrestimet vijuan vetëm një ditë pasi Erdogani e dha betimin dhe e ndërroi funksionin kryeministër me atë presidencial.
|