Nënshkruhet pakti qeverisë midis AAK-LDK-Nisma dhe Vetëvendosjes Prishtinë, 10 shtatr 2014 (MIA) - Është nënshkruar marrëveshja mes AAK-LDK-Nisma dhe Vetëvendosjes për bashkëqeverisje.
Me këtë marrëveshje, sipas zyrtarëve të Lëvizjes Vetëvendosje, bisedimet e ardhshme me Serbinë do të udhëhiqen nga kjo forcë politike.
Zyrtarë të bllokut thanë, nga ana tjetër, se me një pakt të tillë do të forcohet edhe më tej koalicioni opozitar, ndërsa thanë se nuk do të heqin dorë nga synimi për të krijuar institucionet dhe për ta lënë Partinë Demokratike në opozitë, e cila është fituese e zgjedhjeve.
Parlamenti i Kosovës pritet të mblidhet të premten, më 12 Shtator, për të zgjedhur udhëheqjen e tij, por ende është e paqartë nëse kjo mbledhje do të gjejë ndonjë zgjidhje për ngërçin politik, për shkak të qëndrimeve tërësisht të kundërta të partive politike, citojnë mediat vendore.
|