Prefekti i Zagrebit i hodhi poshtë akuzat për shpërdorim të funksionitZagreb, 21 tetor 2014 (MIA) - Prefekti i Zagrebit, Milan Bandiq, gjatë marrjes në pyetje para hetuesve nga shërbimi kroat për krimin serioz korruptues USKOK, i hodhi poshtë të gjitha akuzat për pjesëmarrje në marrëveshjet korruptuese, njoftoi Hina.
Bandiq mbrëmë vonë është marrë në pyetje në hapësirat e shërbimit, pas çka u kthye në burgun hetues.
Avokati i Bandiqit deklaroi se klienti i tij i ka hedhur poshtë të gjitha akuzat.
Prefekti i Zagrebit u arrestua të dielën së bashku me drejtorin ekzekutiv të "Holdingut zagrebas", Slobodan Lubiçiq, pronarin e kompanisë për mbeturina industriale CIOS, Petar Pirpuz dhe 16 persona tjerë nën dyshimin për kryerje të disa veprave penale me keqpërdorim të buxhetit të kryeqytetit kroat.
|