Erdogan: Operacioni kundër SHI-së është tejet i kahëzuar drejt KobanitParis, 31 tetor 2014 (MIA) - Presidenti turk, Rexhep Taip Erdogan sot deklaroi se operacioni i koalicionit ndërkombëtar, i cili po lufton kundër grupit xhihadist Shteti Islamik (SHI), është tejet e kahëzuar vetëm ndaj qytetit sirian Koban, i cili ndodhet në kufi me Turqinë, ndërsa jo edhe ndaj rajoneve të tjera.
"Përse Kobani, e jo edhe qytetet e tjera, siç janë Idlibi, Hama apo Homsi, kur 40 për qind e territorit irakian është i kontrolluar nga SHI", theksoi Erdogan në konferencën për shtyp në Paris pas takimit me kolegun francez, Fransoa Olland.
Ai pyeti përse koalicioni nuk vepron edhe në zona të tjera, kur në Koban ka vetëm 2.000 luftëtarë të SHI-së.
|