Përfundon seanca e Kuvendit të Shqipërisë, nën tension miartohen të gjitha pikat e rendit të ditës Tiranë, 5 mars 2015 (MIA) - Mes debatesh, deputetët e maxhorancës miratuan të gjitha pikat e rendit të ditës së Kuvendit të Shqipërisë, njofton ATSH-ja.
Ndërsa deputetët e opzitës vijonin të mbanin të rrethuar foltoren e parlamentit duke këmbëngulur në kërkesën për dërëheqjen e Ilir Metës, ky i fundit vijoi procedurat për miratimin e të gjitha pikave të parashikuara sot në parlament.
Me 80 vota u miratua projektligji "Për rolin e Kuvendit në procesin e integrimit", me 77 vota u miratuan ratifikimi i dy marrëveshjeve me BERZH-in për disa projekte në infrastrukturë, ndërsa me 78 vota u miratua projekt rezoluta për parandalimin e fenomenit të gjakmarrjes.
Paraprakisht seanca e sotme e Kuvendit të Shqipërisë u ndërpre disa herë pas situatave të tensionuara që krijuan deputetët e opozitës pasi kërkuan dorëheqjen e kryetarit të Kuvendit të Shqipërisë Ilir Meta pas akuzave të deputetit Tom Doshi se ka porositur një atentat kundër tij.
|