Opozita shqiptare nesër sërish në protestë

Tiranë, 18 mars 2015 (MIA) - Partia Demokratike e Shqipërisë  ka vijuar edhe pasditen e sotme protestën pranë Kryesisë së Kuvendit të Shqipërisë me thirrjet "Meta ik", drejtuar kreut të Parlamentit.

Kreu i grupit parlamentar demokrat, Edi Paloka, që udhëhiqte protestën, tha se "kjo është rruga e drejtë dhe ne nuk tërhiqemi.Jemi të vendosur të largojmë kriminelët nga Kuvendi". Por, nesër pritet që kjo parti të mbajë një protestë më të veçantë, para Kuvendit të Shqipërisë, pikërisht në kohën kur do të nisë seanca plenare. Ndaj, Policia e Shtetit shqipëtar ka njoftuar se do të marrë masat e duhura, me qëllim që ajo të zhvillohet normalisht duke bllokuar lëvizjen e mjeteve në rrugën “George W. Bush”, segmenti nga rruga e Elbasanit deri tek "Partizani i panjohur".

Policia e Tiranës do të marrë masat e duhura për zhvillimin normal të kësaj proteste.