Mbi njëqind miliardë janë tërhequr nga bankat grekeAthinë, 31 mars 2015 (MIA) - Mbi njëqind miliardë euro janë tërhequr nga depozitat në bankat greke nga fillimi i krizës e deri më tani, që e solli sistemin bankar deri në shok hemorragjik, shkruan gazeta greke "Imerisija".
Në fillim të krizës, depozitat bankare të grekëve kanë arritur 235 miliardë euro dhe pastaj kjo shumë është zvogëluar në 133 miliardë.
Vetëm në muajin shkurt të këtij viti nga bankat janë tërhequr mbi shtatë miliardë euro, më së shumti për shkak të druajtjes e cila u shkaktua para marrëveshjes me kreditorët më 20 shkurt dhe gjithashtu edhe nga druajtjet nëse në përgjithësi do të ketë marrëveshje të tillë.
Një pjesë e madhe e investimeve janë nxjerrë jashtë vendit, një pjesë tjetër qytetarët e ruajnë në shtëpi, ndërsa një pjesë e konsiderueshme e qytetarëve e kanë shfrytëzuar për përmbushjen e nevojave personale.
|