Millanoviq: Vendimi për Sheshelin nuk do ta destabilizojë rajonin

Zagreb, 31 mars 2015 (MIA) - Kryeministri kroat Zoran Millanoviq sot deklaroi se vendimi i Tribunalit të Hagës për kthimin e Voisllav Sheshelit në burg nuk do ta destabilizojë rajonin, lajmëroi Fena.

"Kroacia me siguri nuk do të destabilizohet, nëse Kroacia në përgjithësi është pjesë e rajonit, ndërsa Serbia do të tregojë nëse është  demokraci e vërtetë ose varet nga kapricie të tilla. Ajo assesi nuk guxon ta destabilizojë Serbinë dhe për atë deklarata se ajo është goditje për kryeministrin serb për mua është e pakuptueshme", deklaroi Millanoviq në seancën solemne të Parlamentit për shënimin e gjashtëvjetorit të pranimit të Kroacisë në NATO.

Sipas kryeministri kroat bëhet fjalë për vendimin autonom të Tribunalit të Hagës, duke theksuar se edhe vendimi paraprak për lëshimin e Sheshelit në liri të përkohshme ka qenë i paqartë.

"Nuk e kisha të qartë pse është lëshuar nga burgu, por akuza dukshëm nuk është përgatitur mirë. Ajo shkaktoi emocione negative të panevojshme në rajon, dhe në ndonjë mënyrë e solli  qeverinë serbe në pozitë të rëndë, për çka nga një anë e kuptoj. Nga ana tjetër kam pritur reagim më të qartë para disa muajve", theksoi Millanoviq.

Kryeministri kroat theksoi se nuk dëshiron të paragjykojë kundër Sheshelit, por se i qartë është fakti se Shesheli është në mesin e  përgjegjësve për luftën në hapësirën e Ish Jugosllavisë.

"Kjo është fakt dhe asnjë gjykim gjyqësor nuk do ta ndryshojë. Nuk e di nëse guxoj të tregoj se si një njeriu i dëshiroj çdo të mirë, por konsideroj se për disa punë me të vërtetë duhet të përgjigjet", theksoi Millanoviq.