Gjermania përgatit plan për shpëtim të GreqisëBerlin, 15 prill 2015 (MIA) - Qeveria federale gjermane punon në plan i cili do të mundësojë që Greqia të mbetet në eurozonë madje edhe në rast të falimentimit, lajmëron korrenspondenti i MIA-s nga Berlini.
Sipas gazetës "Di Cajt" koalicioni qeveritar gjerman i përbërë nga CDU-ja e Angela Merkel dhe SPD-ja e zëvendëskryeministrit Zigmar Gabriel frikësohen se Qeveria në Athinë nuk do të mund të sigurojë para për pagesën e obligimeve të tyre financiare të cilat duhet të vijnë për arkëtim në javët e ardhshme. Nëse ndodh kjo, Banka Qendrore Evropiane, sipas rregullave të eurogrupit, do të duhet të ndalet me dërgesën e valutës së përbashkët evropiane të Greqisë.
Javën e kaluar Greqia ishte në hap me anulimin e pagesës së borxhit ndaj Fondit Monetar Ndërkombëtar që shkaktoi tensione në tregjet dhe mes anëtarëve të eurozonës.
Sipas planit të ri gjerman Banka Qendrore Evropiane duhet të vazhdojë ta financojë Greqinë nëse vendi falimenton. Që kjo të mund të ndodhë do të duhet të gjendet mënyrë që bankat greke të munden pjesërisht të marrin pjesë në transakcionet financiare madje edhe nëse Banka qendrore e Greqisë shpall falimentim. Parakusht që kjo të ndodhë është Greqia të jetë tërësisht kooperative në kërkesën e reformave nga kreditorët e saj sepse është e mundur që Qeveria e Cipras të insistojë në programet e saj sociale dhe populistike të cilat vlejnë shumë para.
Sipas analizave, madje edhe nëse ky plan nuk jep fryt dhe Greqia falimenton dhe duhet të dalë nga eurozona vendi tërësisht nuk do të shkëputet nga BE-ja sepse në këtë rast do të organizohet ndihmë e cila do të mundësojë tranzicion të qetë ndaj valutës së re.
|