"Ekonomist": Ballkanasit marrin pjesë në luftërat në Ukrainë dhe Siri

Londër, 17 prill 2015 (MIA) - Shtetas të vendeve nga Ballkani Perëndimor janë përfshirë në konfliktet ushtarake në shtrirjen nga Deti Azov e deri në Alepo, që po shkaktoni brengosje tek qeveritë e tyre, të cilat madje sollën ligje me të cilat pjesëmarrjen në luftëra në shtete të tjera e shpallën vepër penale, kumtoi gazeta londineze "Ekonomist".

Magazina pohon se serbët u janë bashkangjitur forcave proruse në Ukrainë, kroatë luftojnë në anën e forcave qeveritare ukrainase, derisa shumica e myslimanëve ballkanik luftojnë në Irak dhe Siri në rradhët e grupeve islamiste.

"Për kroatët dhe serbët lufta ukrainase është reprizë e përleshjeve të tyre në vitet e 90-ta të shekullit të kaluar,  aventurë ose nisje kryqëzate", citon "Ekonomist".

Sipas gazetës, duke besuar se udhëheqin luftë kryqëzate, serbët përfshihen në  grupe të vogla  ultranacionaliste në Ukrainë, të cilat e urrejnë Qeverinë e tyre, e urrejnë BE-në dhe e kundërshtojnë anëtarësimin e vendit të tyre në NATO.

"Të njejtë janë edhe kroatët në bataljonin ukrainas "Azov", njësi e diskredituar e njohur sipas simboleve naziste, e cila tërhoqi vullnetarë nga e gjithë Evropa", shtoi "Ekonomist".

Sipas hulumtuesit polak Kasper Rekavec në çdo anë të konfliktit ukrainas  luftojnë rreth 300 shtetas të huaj, mes tyre edhe qindra serb dhe rreth 25 kroatë.