E pashmangshme nevoja për Kushtetutë të re, konsideron kryetari i Gjykatës Kushtetuese turke

Ankara, 27 prill 2015 (MIA) - Turqia ka nevojë për Kushtetutë të re dhe të gjitha partitë politike të përfshira në përbërjen e saj duhet t'i shqyrtojnë kërkesat e tyre dhe të arrijnë koncenzus, deklaroi sot kryetari i ri i Gjykatës kushtetuese Zuhtu Arslan, cituar nga TASS.

"Në nivel të zhvillimit ekonomik dhe politik që e arriti vendi ynë, Kushtetuta e re tregohet si nevojë e pashmangshme", potencoi Arslan duke mbajtur fjalim para anëtarëve të Gjykatës kushtetuese dhe presidentit Rexhep Taip Erdogan dhe kryeministrit Ahmet Davutogllu.

Kryetari i Gjykatës Kushtetuese këtë e deklaroi në fjalimin me rastin e 53 vjetorit të formimit të gjykatës, potencon TASS.

Arslan gjithashtu, theksoi se Kushtetuta nuk është "shkop magjik" dhe që të punojë mirë nevojiten "komentues me përvojë dhe përmbarues".

Ai e nënvizoi vlerën e respektimit të rregullave demokratike dhe lirive të qytetarëve dhe të parimit të obligueshëm të pavarësisë së sistemit gjyqësor, ndërsa njëkohësisht vlerësoi se pa ndihmën e organeve tjera të pushtetit shtetëror sistemi gjyqësor vetëm nuk do të zgjidh asnjë problem.

Përgatitja për Kushtetutën e re është nga projektet strategjike të Partisë qeveritare për drejtësi dhe zhvillim. Në këtë çështje është punuar më shumë se një vit e gjysmë. Në komisionin parlamentar për përpunimin e projekteve për Kushtetutë të re ishin përputhur më shumë se 60 anëtarë, por puna e komisionit ishte ndërprerë për shkak të pamundësisë për arritje të koncenzusit me opozitën.

Sipas përfaqësuesve përgjegjës të Partisë për Drejtësi dhe Zhvillim, në zgjedhjet parlamentare më 7 qershor partia ka për qëllim në mënyrë aktive ta ripërtërijë aktivitetin për përpunim të kushtetutës së re.