Policia e Shqipërisë mobilizohet pas ngjarjeve të djeshme në KumanovëTiranë, 11 maj 2015 (MIA) - Pas ngjarjeve të ditës së shtunë dhe të diel në Kumanovë ku mbetën të vrarë të paktën 22 persona, është vënë në gatishmëri të plotë edhe Policia e Shtetit shqiptar, njoftojnë mediat vendore.
Sipas Top Channel Policia e Shtetit të Shqipërisë është vënë në gatishmëri që prej mëngjesit të ditës së diel.
Gjithashtu në gatishmëri të plotë do të jenë edhe repartet speciale pa afat për arsye sigurie.
Ndërkohë, kryeministri i Shqipërisë, në fjalën e mbajtur me rastin e hapjes së Festivalit Folklorik Kombëtar në Gjirokastër, kërkoi që të mbahej një minutë heshtje për viktimat në Kumanovë, si pasojë e përleshjeve të armatosura.
|