Jorgos Papandreu propozon referendum për kompromis të mundshëm me kreditorëtAthinë, 22 maj 2015 (MIA) - Ish-kryeministri grek, Jorgos Papandreu propozon të organizohet referendum për ratifikimin e kompromisit të mundshëm me kreditorët e vendit të tij, duke shfaqur bindje se në të grekët do të votojnë "për", sepse "dëshirojnë të mbeten në eurozonë", publikoi gazeta "Ta nea".
Qeveria duhet të arrijë kompromis me partnerët evropianë dhe më pas ta vendosë për t'u deklaruar në referendum. Nëse ka marrëveshje me kreditorët, grekët do të votojnë "për", deklaroi Papandreu në konferencën në Lisbonë.
Ish-kryeminsitri grek potencoi se "shumica e madhe e grekëve dëshirojnë që vendi i tyre të mbetet në eurozonë edhe përkundër vuajtjeve që po i përjetojnë nga ajo, sepse euron e konsiderojnë për valutë stabile".
"Nëse grekët thonë 'po', ne si vend do ta realizojmë këtë program dhe kjo do t'i qetësojë tatimpaguesit gjermanë", deklaroi Papandreu para gazetarëve në Lisbonë.
Ai potencoi se "koha po bën presion, sepse vendi rrezikon që në fund të majit apo të qershorit tashmë të mos mund ta sigurojë pagesën e rrogave të nëpunësve shtetëror".
|