Në Kanada për shkak të zjarreve pyjore janë evakuuar shtatë mijë persona

Otavë, 27 maj 2015 (MIA) - Pothuajse shtatë mijë persona në provincën kanadeze Alberta janë evakuuar për shkak të zjarreve pyjore të cilat kërcënohen të përfshijnë shtëpi dhe një rafineri nafte në atë zonë, njoftuan dje autoritetet lokale.

Më shumë se 1.600 zjarrfikës luftojnë me 70 zjarre, prej të cilëve 55 ishin të shkaktuar të dielën nga rrufeja.

Qeveria kanadeze mendon të kërkojë ndihmë nga SHBA-ja dhe Meksika, ndërsa 20 zjarre ende janë jashtë kontrollit.

Ministri i Pyjeve së Albertas, Onil Arilje deklaroi se zjarri, i cili ka përfshirë dhjetë mijë hektarë është afruar në 20 kilometra nga vendbanimet dhe rafineria e naftës, nga Senovus deri në rajonin e liqenit Kold.

Përveç kësaj është urdhëruar edhe evakuim për 4.700 banorë në vendin Vabaska. Qeveria ka vendosur qendra pranimi për të zhvendosurit.